雲上旅程：靈異直播演異

「各位觀眾，我炎B路依家嚟到一間未完成工程嘅空屋。事關收到行家報料話裏面好奇怪，走走吓會迷路，仲會忽然有嘢出現指控偷嘢！不如大家先睇睇短片介紹。」

短片內容其實是：盛傳金鐘近日一幢空置大樓有一個怪名叫「門常開」，其實真名叫「鬼門常開」，由於設計概念源自凱旋門，而凱旋門一向是紀念碑的意思，因此特別邪；加上要在七月節期間日夜趕工，所以一直都未能完工！

此時，炎B路續說：「好啦！我哋依家有幾位靈探者，會嘗試跟這裏的靈體溝通，佢哋分別係港大保安、扮警察的公安及過氣G4！不過，家庭觀眾千萬不要學，因為我哋有師傅在場；真禿頭師傅，你好！」「你好！上次遇溺之後冇事嘛？」「冇事呀師傅！不過『門常開』四周有馬屁鬼、賴皮鬼、除脂鬼等等，怕唔怕有事？」「唔怕！因為之前已經作咗法，設立咗三個核心保安區，乜鬼都入唔到嚟！」「好！睇睇靈探者點先……嘩！其中一人被鬼抬起咗呀！點算呀師傅？」「都叫咗唔好着平反六四T-Shirt o架啦！出事喇！」「師傅，其餘兩人都表現古怪喎……」

此時，炎B路就話：「依家到咗節目尾聲，等我訪問吓靈探者頭先見到乜先！」靈探者：「頭先我見到個黑影，仲有隻攝影機鬼咬住我隻手！」真禿頭師傅說：「所以一般人千祈唔好嚟『門常開』，好危險o架！」