SonyGMT-G1BiP Mini Hi-Fi專收數碼頻道

數碼電台就快殺到，一眾可接收DAB+/DAB制式的數碼聲音廣播產品亦已準備就緒。若果要講求音質和多元化性能，都係買套可接收數碼電台的優質音響實際得多，唔怕嘥咗數碼廣播的上佳音質。Sony就剛推出自家第一款對應DAB+/DAB數碼聲音廣播的Mini Hi-Fi，靚聲兼靚仔，入手價又夠晒大眾化呢！

鋁金屬經典高貴設計

雖然近年iPod喇叭盛行，但始終要將大量音樂CD數碼化都唔係一時三刻可以完成，而且耳利的用家都會發現MP3音質有瑕疵，所以Hi-Fi仍有生存空間。Sony GMT-G1BiP就係沿用經典高貴外形，能對應iPod、iPhone兼且玩埋數碼電台嘅Mini Hi-Fi，絕對追得上數碼時代新技術。從頗墜手的鋁金屬主機加上一對特大喇叭，就可知新機夠分量，而且三千多元有交易，入手容易。

試聽數碼電台清晰穩定

GMT-G1BiP外形雖然搶眼，但更厲害的應是其首度內置DAB+/DAB對應功能，只要接上天線就可以收到預計10月、11月時候推出的數碼電台廣播。雖然離開台還有段日子，但現時香港已能接收試播訊號，不過現時發射站覆蓋不全面，只有部分港島區跟九龍、沙田區收得清，測試當日，在銅鑼灣鬧市商業大廈內，兩個試播台都收得幾清楚。對比傳統FM/AM頻道，數碼電台頻譜較闊，能容納更多專門頻道，如清談節目及古典音樂等，而且音質較佳，唔似以前接收電台節目會不時受到干擾。GMT-G1BiP提供20個空間儲存數碼頻道，以目前香港4個數碼電台將會提供18條頻道來算，已夠用有餘。

喇叭力水足失真低

部分人唔揀平價數碼收音機的原因，就是因為音質唔多掂。GMT-G1BiP這套Mini Hi-Fi用料雖未算很高級，但音質表現卻叫人滿意，實非一般數碼收音機可比擬。一對用上高亮度黑色鋼琴面設計的大喇叭力水充足，合共提供高達100W輸出，「焚機」夠力，細緻位表現亦具水準。喇叭各用上2.5cm直徑高音單元配上13cm直徑低音單元，兼加上特別塗層，能改善共振情況，而其新設計的線路及擴音器，可把失真情況大大降低。筆者還有大量未數碼化的音樂CD，放入傳統設計的光碟盤就即可播放，而且還可透過機面的USB介面連接iPhone及iPod，聽數碼音樂都話咁易！

SPEC

總輸出： 50W+50W

體　積：（主機）220×133×355mm

（喇叭）160×270×252mm

重　量： （主機）5.3kg /（喇叭）3.8kg

查詢：2345 2966