上樓食阿拉伯菜

雖住在灣仔多年，卻甚少出街搵食，無他，屋企飯香嘛！自從當飲食版記者後，才慢慢發掘到這個美食社區食肆多又有特色，能出版獨家的美食地圖，多少有點江湖地位。今次就撇開大路菜系，走到修頓球場附近，上樓食平靚正阿拉伯菜Oh Food，一嘗異國風情。

這小店藏身商業大廈內，地點不好找，若非特意上門幫襯，恐怕會走漏眼。幾百平方呎地方如一般居室，放了幾張餐枱，鋪上人手刺繡枱布，增添中東味道。老闆Omar是敍利亞人，曾在北角及香港大學開餐廳賣阿拉伯菜，兩店結業後，現專心在灣仔打理Oh Food，供應地道又抵食的家鄉菜。

嚴守清真規條

Omar表示：「開店是因為眼見坊間正宗阿拉伯食物很罕見，希望大家有機會嘗到，價格也定得平，多數人都食得起。」阿拉伯人的飲食習慣，嚴守清真（Halal）規條，例如不可含豬肉，屠宰的牲畜要先誦經禱告，再割喉放血，亦不會屠宰帶病或有菌的牲畜，Omar說經過這樣處理的肉食，會比較健康、嫩滑及濃味。

阿拉伯地方大，國家之間的飲食文化會略有不同，Omar指敍利亞人愛食麵包，配鷹嘴豆泥最常見，也會食阿拉伯飯，即混雜了細碎麵條的白飯，其他像橄欖、芝士、雞蛋、奄列、乳酪等，亦是日常食糧。「我們以天然食材入饌，非常健康，不會落味精及化學物，蔬菜會煮至半熟，保留其原味及營養。」Omar補充說。

引入家鄉食材

大廚Anas同樣來自敍利亞，自北角店開始已跟Omar合作，兩人極有默契。由他「煮」理美食，還從家鄉運來大量香料、茶葉、調味醬料等，甚有誠意，不怕會變成港式阿拉伯菜。Anas說，如果大家是初次品嘗阿拉伯菜，提議前菜可選鷹嘴豆泥，以芝麻醬、鷹嘴豆及橄欖油等炮製，軟軟滑滑的，富豆香及芝麻香，配自家製麵包，已好味到食唔停口。

若你是澱粉質粉絲，來這裏一定食得飽，因主菜選擇可配阿拉伯飯或白里安尼飯，前者夾雜碎麵條，後者是以幼長的米粒烹調，因香料變成黃色，更混合雜菜粒及提子乾，風味獨特。Omar說阿拉伯人嗜甜，每日都要食甜點，推介大家食軟綿綿的奶豆腐（Milk Curd），雖稱豆腐，實情只有奶、糖、粟粉等材料，為一餐作完美句號。假如要試齊前菜、湯、主菜及飲品，柯打$75套餐就搞掂，抵食！

查詢：2529 3999