ChatRoom

Ivy

雖然無乜說服力，但我不得不澄清我愛運動，尤其是排球。所以，當我發現原來同事S都熱愛觀看女排比賽，可謂一拍即合，我倆超Crazy地兩夜一日看了6場波（世界女排大獎賽香港站）。不得不提中國隊重炮手一梅瘦了好多，瘦到我無法從身形將她與隊員區分（同事S說是我眼鏡度數不對的惡果）。另外，意大利隊的Gioli Simona的鋼條身形、彈跳的高度、殺球的力度叫我趨之若鶩，難以想像她已是孩子的媽！

Rachel

有些事情只要方便了就變得沒誠意。

簡單莫如Facebook，每日大家Like咗幾多次？的確，要畀一個Like好容易，但就是因為太方便了，所以有時都不知不覺係又Like，唔係又Like，見到心儀的對象吃了碗叉雞飯又Like，見到有人Post張腳趾相又Like，後來自己都覺得太沒誠意了，於是我不再輕易畀Like，但不代表我Dislike，只不過寫Comment代替而已。記得一次有朋友Post了一首歌，有數十人Like了，卻無人寫Comment，結果我寫了一句Comment：「好鍾意呀！」佢竟然立即Like咗，我在想：是不是被我誠意感動？可能寫多兩隻字唔代表有誠意，但Comment寫了便很難收回，這才是重點。玩Facebook唔使咁認真吧？是的，認真你便輸了……我早就輸到甩褲！

Yuk

所謂「人算不如天算」，做採訪的就深明此道，有時想影一輯Outdoor相，揀好時間、地點、約好受訪者，Check埋天文台預告，以為有齊天時地利人和，結果拍攝當日卻遇上暴風雨……早前家人帶同1歲半的姪仔到影樓拍照，亦有同樣的遭遇：話說球迷哥哥特地從英國訂來一套利物浦新球衣，諗住給囝囝影相威威；豈料姪仔不知是興奮還是緊張過頭，搭的士途中由頭嘔到落腳，那件球衣當場失守，還要額外賠$50給司機大哥作清潔費……真係人算不如BB算。