大肚裝iPhone喇叭焚得起
雖然呢隻熊貓唔識打功夫放笑彈，不過個大肚腩可以插iPhone播歌，小記講緊嘅係由日本品牌Electric Friends推出嘅熊貓造型iPhone喇叭，不但可以乾濕電兩用，更採用大量隱藏式設計，得意又可愛！
Cutie動物造型
熊貓阿寶喺電影入面有蓋世五俠等一班好友幫手對抗敵人，而這款喇叭同樣有其他動物拍檔，包括熊貓、沙皮狗、貓仔合共三款動物造型。有別於一般卡通喇叭，為了保持產品的可愛造型，將iPhone插座隱藏於動物的大肚腩內；最特別是動物的雙眼，隱藏了直徑達40mm的發聲單元，夠晒別緻。
摸耳仔校音量
除了隱藏式的插座及發聲單元外，熊貓的耳朵亦內有乾坤，左右耳分別代表加、減音量，只要於耳朵輕輕一摸，即可以調校喇叭音量，實用又過癮！喇叭同時支援乾濕電兩用，拎去沙灘、船河焚機都夠晒輕便，還適用於一系列Apple產品，包括iPhone、iPod Touch以至iPod，新舊機一樣啱使！
$699
左右耳朵分別刻有加、減符號，輕輕一摸就能調校音量。
雙眼位置實為發聲單元，就連顏色亦襯番機身，十分過癮。
毋須任何程式即能連接喇叭播歌，簡單直接。
電池位設於機底，放入4粒AA電池便能操作。
除了iPhone插座，更備有Line-in插口，方便接駁其他播放器。
沙皮狗扁咀耷耳，相當趣緻。$699
另一款貓仔造型的喇叭，粉紅色的鼻子和頸帶好搶眼。$699