吉卜力工作室又有新作，不過今次唔係老竇宮崎駿操刀，而係囝囝宮崎吾朗擔任動畫監製。新片《來自彼道》改編自1980年同名少女漫畫，屬於小品故事，講述女主角高中生「海」由於雙親不在，一直與祖母「花」、妹妹「空」，以及弟弟「陸」同住。「海」喺學校嘅新聞社跟兩位男生發生騷動，因而展開一幕幕少女春青故事。新片將於本月16日喺全日本上映，不過外界嘅預期度好壞參半，擔心影片質素會重蹈《地海傳說》嘅覆轍喎，希望醜嘅唔靈好嘅靈啦！
