學生大晒抵價食鵝肝

鵝肝、生蠔、龍蝦仔……樣樣都是貴價食材，即使是任食的自助餐，動輒也要三、四百蚊一位，我等有收入人士都覺得肉赤，何況係學生哥？但最近聽唸大學的細妹講，灣景國際酒店灣景廳的「鵝肝．海鮮自助晚餐」正推出學生優惠，只要出示有效的全日制學生證，便可以抵價歎Buffet，同行親友亦可受惠，睇怕我呢個做家姐嘅，今次要大破慳囊。

小時候，有隻雞髀食吓已經覺得好滿足，邊似得依家啲學生咁幸福，可以優惠價歎鵝肝自助餐，說的是灣景國際酒店的灣景廳，以鵝肝做主題，更賣大包推出學生優惠。今個月，於入座時出示有效全日制學生證的客人，即可以優惠價每位$195（原價$268）享用「鵝肝．海鮮自助晚餐」，最正係同行親友亦可受惠（最多12位），若穿着整齊校服者，收費更只需$170，最啱成班同學仔考完試嚟擦餐勁！

百變鵝肝美饌

抵歸抵，最重要係冇將貨就價。這個以鵝肝做主題的自助晚餐，有齊各式以鵝肝炮製的美食，例如足料的原塊煎鵝肝、混合安格斯牛肉鵝肝做成的漢堡、釀入鵝肝的雲吞、野米鵝肝釀春雞等，讓大家一次過嘗盡不同口感及配搭的鵝肝美饌。此外，餐廳更精選多款鮮甜海鮮，如美國生蠔、龍蝦仔、翡翠螺，又或者做成鬆脆蝦仁酥盒、開胃蜜桃酸辣蝦等美食，食物款式甚為豐富，一點不欺場。

鵝肝．海鮮自助晚餐

日期　即日至6月30日（6月18及19日除外）

時間　6:30pm-9:30pm

收費　成人$248、長者$218、小童$178（星期一至四）

成人$268、長者$238、小童$208（星期五至日、公眾假期及其前夕）

查詢　2802 4284

*另加一服務費