抵食意粉外賣店
一直相信「好食的東西都需要等」，最近卻被位於中環、專做意粉外賣的店子Pasto Mio顛覆了這想法。揀好心水的鮮製意粉及醬汁後，再放進意粉機內烹調，只需短短幾分數就煮好，而且取價合理。快、平、靚、正，原來是存在的。
花錢在食材上
「平日喺餐廳食意粉，你畀嘅錢可能包括食材、廚師、環境裝修等，但我想大家用合理價錢，食到好意粉，所以Pasto Mio裝修好簡單，沒過多人手，將成本都用在食材上。」店主之一的Lori解釋開店理念。
十多款鮮製意粉，從大路的Spaghetti、Tortelloni到少見的Gramigna、Pizzoccheri，甚至當甜品的Quadrelli都有，每星期從意大利運到，既可配搭店子提議的醬汁，或是加錢轉換個人心水。意粉分Regular及Fit兩種分量，售價由$48起，有幾款更標明卡路里少於500 kcal，大細胃口都啱。用上全港唯一、來自意大利的意粉機作烹調，只需幾分鐘便成，以方形紙盒盛着，方便取走。
查詢：2530 2830
Gramigna with Arrabbiata Sauce $68
又短又彎的意粉，有原味及菠菜味，配上香辣的番茄辣椒醬，好食！正常分量的意粉可鋪滿餐碟，沒欺場。
Fiocchi with Carbonara Sauce $88
另一款有餡意粉，內有煙火腿及Fontina Cheese，配以混合煙肉、芝士及忌廉的 Carbonara醬汁，啖啖鹹香惹味。
Rettangoli with Pescatora Sauce $88
內有三文魚跟刁草作餡料，質感滑溜似慕絲；而用上蜆、魷魚及蝦煮成的番茄海鮮醬，可說是鮮味「滋」選。
Pizzoccheri with Amatriciana Sauce $88
蕎麥製的扁麵，坊間少見，跟番茄煙肉醬汁，酸香清新。
Quadrelli with Vanilla Sauce $38
唯一的甜味意粉，朱古力外皮，內有橙皮混以Ricotta Cheese餡料，淋上雲呢拿醬汁，甜絲絲，一試難忘。
小店一切從簡，沒不必要的布置、人手，正是你可以平價食到好味意粉的原因。