《inFAMOUS 2》 改寫任務打怪超爽

現實生活十分刻板，日日如是，都咪話唔沉悶，如果連打機都要跟住遊戲劇情發展玩到特定的結局，你話幾咁冇癮呢！不過即將喺PS3上推出嘅《inFAMOUS 2》，延續上集主角柯爾嘅冒險歷程，除咗依舊有得揀做好人定壞蛋之外，仲可以將自創任務放上網畀人挑戰，更可以單撈其他玩家設計嘅任務進行大改造，係咪刺激好玩得多呢？

善惡抉擇 無分對錯

《inFAMOUS 2》的故事延續自上集劇情終結，主角柯爾在「兇獸」的魔掌下僥倖逃離帝國市，但帝國市卻難逃一劫，全市毀於一旦。為了阻止「兇獸」消滅全人類，主角來到南方城市新馬雷，尋找過去曾經參與開發「雷射光球」的沃爾夫，解開能擊敗「兇獸」的方法，從而拯救世界。遊戲承襲上集Karma善惡抉擇系統，在廣闊的新馬雷市上，大家可使用超能力守護市民，免受民兵與異形的殺害，或者肆意施展超能力到處搞破壞。當然善惡的抉擇會影響故事發展，並肩作戰的NPC也有分別，善良一方會有FBI女探員Kuo，至於壞蛋一派會有神秘戰士Nix。

冰火齊放 破壞最爽

如同上集一樣，具備超能力的柯爾繼續左右開弓，發射雷電或者用磁力吸取路上的汽車，當作大型炸彈投向敵人。不過今集主角唔止得一種超能力咁簡單，事關故事中將得到控制寒冰與烈火的全新超能力，加上一旦將超能力儲滿雙手後，更能發動如龍捲風般的大範圍攻擊，招式多變，打怪超爽！除此之外，透過全新的動作捕捉技術，令到主角身手更敏捷，就算在高樓大廈間攀爬穿梭，或者好似忍者般飛簷走壁，都毫無難度。

創作任務 上網交流

如果嫌開放式世界玩法唔夠喉的話，相信全新的「任務創作」功能一定合大家心水。玩家可以在新雷馬市內，透過遊戲提供的自創內容工具UGC Tools，隨意配置敵人和道具，加入簡短劇情，創造專屬任務，兼且可以Upload上網，畀其他玩家一試身手。同樣地，各位也可以隨意單撈別人設計的任務，順便偷吓師，方便創作自己的Dream Mission。如果撞正關卡太強打唔過，仲可以郁手改造，調整到適當難度，咁就唔怕玩到卡版啦！

查詢：2341 2356