半斤八両　Honda Freed

「家陣惡搵食，邊有半斤八両咁理想」，通脹停不了，除了食物及日用品外，汽車首次登記稅、燃油價格也在升、升、升，人工卻未有起色，一公升無鉛汽油已經去到$16.47，腳腳油都係錢。對於預算不多的家庭用家來說，慳油、牌費平的MPV，無疑是至夾之選，好像1.5級別唯一的七人車型號本田（Honda）Freed，載足七個人，車價只是$226,724，車主付出半斤，真係攞得番八両呀！

小型MPV Freed糅合了實用、環保、慳油等優點，既有寬敞的七座位布局，加上座椅鋪排靈活多變，使車廂空間得以充分利用。車身雖小，但車架剛性高，以80km/h巡航也沒有輕飄飄的不安感，加上車門內置了特強防撞橫桿，難怪在日本J-NCAP的安全測試中，獲得最高等級別安全認證。

坐足七人 仲有走廊

別以為車身細一定內櫳窄，Freed正是例外，其2+2+3座位布局和中排Central Walk-through設計，乘客毋須收起任何座椅便可進出後排，十分方便。若要運載大型物件，只要把尾排向左右兩邊摺起，別說三、兩袋燒烤炭，就連單車、行李箱以至嬰兒手推車都放得落。另一方面，Freed採用了時下流行的雙趟門設計，車門寬度達600mm，配合同級最低的390mm平直地台，上落車倍感安全方便。

耗油低　盲點細

大部分MPV都是2.0公升級以上，牌費、保險都好乸脷，不過Freed只是1.5類別，是同級唯一的七人車，慳番唔少使費。不過，細容積引擎並不代表力量不足，其直四i-VTEC可輸出118ps馬力及14.7kgm扭力，力量比不少1.5車還要高，而且耗油量低至17.0km/L。此外，廠方刻意收窄了車身兩旁的A柱，以及延長了側窗玻璃，有效減少車頭兩邊的盲位，配合後車窗頂的輔助鏡，睇位泊車倍感Easy！

SPEC

車　　型： 五門七座位MPV

引　　擎： 直四i-VTEC

容　　積： 1,496c.c.

最大馬力： 118ps/6,600rpm

最大扭力： 14.7kgm/4,800rpm

驅　　動： 前置引擎、前輪驅動

傳　　動： CVT

懸　　掛： （前）麥花臣 （後）扭力桿

制　　動： （前）透氣碟 （後）制動鼓

車身體積： 4,215×1,695×1,715mm（長×闊×高）

售　　價：$226,724

查　　詢：2380 2231（合群汽車）