菲林機年代已有唔少人鍾意玩特效照片，當中嘅雙重曝光效果，喺一張菲林上面連影兩次，令兩個影像重疊，勁有迷幻Mood，最重要係唔使入黑房沖晒都玩得到，因此大受龍友歡迎。而呢部喺馬來西亞同新加坡紅到飛起嘅玩具相機MINIMO-X，珍珠白機身配青BB圍邊，Size細到同條電話繩掛飾差唔多，但係就少有地內置咗1吋LCD芒，除咗影到雙重曝光外，仲可以大玩暗角效果，而且利用軟件還可將相片推高至320萬像素，難怪會紅遍東南亞啦！
查詢：8101 5278
