果然好Gum!

唔使糖妹大聲唱，

只要見到顏色繽紛、造型可愛、

果味香濃的軟糖，就好想成包捧住食，

感覺超滿足！

軟糖款式多，原來單是水果味的，

就已有動物造型、啫喱糖、雙層夾心等等……

以下這些，會否是你的最愛？

天然果香最吸引

在眾多零食中，小記最愛食糖，雖然是粉絲，但亦有一套自家標準，無質素的全部Out！若然「雞有雞味，魚有魚味」是王道，換上是水果軟糖的話，最起碼要有水果味，但沒過分的人造果香及人造色素；其次是質感煙韌，軟腍腍的不合格，太黏牙的亦要扣分；甜度適中，既不會搶水果味風頭，亦可長食長有；造型靚絕對可以加分，但並非首要條件。這次找來6款水果糖做個小小試食報告。

果汁橡皮糖（提子味）

$10.9

「明治」零食向來高質，這款橡皮糖亦沒令粉絲失望，包裝標榜濃厚果汁，果然一開袋即傳出強勁提子味，煙韌度亦討好，但略嫌偏甜。

EDO日本啫喱糖（雜果味）

$21.9

大大粒四方形，果然似啫喱糖。有士多啤梨、橙及菠蘿等味道，摸上手夠彈性，食落質感有點似史密夫蜜瓜糖，帶淡淡果味。

熊仔橡皮糖$12.9

Haribo是德國軟糖名牌，熊仔糖絕對是箇中經典。細細粒容易食，聞落水果味不算強勁，食落則慢慢滲出果香，煙韌度超Perfect，難得不黏牙，甜度亦適中。

世界Kitchen系列（蘋果味）

$12.8

Kabaya亦是有名的零食品牌，今回大玩果味Duo，以蘋果味配搭檸檬味。正立方體軟糖外層滿布沙糖。單憑香味，蘋果味明顯比檸檬味突出，入口則不相伯仲，糖果甜度高及質感較軟。

Rowntree's水果軟糖

$26.5

每包淨重200幾克好有分量，一包有齊士多啤梨、黑加侖子、橙、檸檬及青檸味，似足果園，賣相也像真，但質感較韌。

The Natural水果軟糖

$24.9

來自澳洲的水果糖，味道有梨、蘋果、黑加侖子、桃、紅桑莓及士多啤梨，水果香及味道不算突出，質感略軟。

查詢：2918 9986