澎湃中低音SOUL by Ludacris
外國歌手出耳機唔係新鮮事，Lady GaGa、Snopp Dogg、Jay-Z等等都出過，最近輪到格林美得獎歌手Ludacris湊熱鬧，以個人名字推出SOUL by Ludacris，當中包括三款耳罩式及兩款入耳式耳機。日前發布會上古仔即場試聽，佢話︰「耳機中低音澎湃，有專業錄音室音色，最啱我拍《竊聽風雲 II》時用來偷聽！」
鍍金插頭減失真
「工欲善其事，必先利其器」，很多歌手都有自己專屬的咪高峰及耳筒，但真正落手落腳打造自己品牌的則不多，Ludacris是其中之一。其個人耳機品牌SOUL，便花了3年時間來打造，跟美國另一潮牌Monster一樣，SOUL都以勁肥大的耳罩式耳機作主打，當中性價比最高的是SL 150，有黑、白及銀色特別版三款，全部設有高度透氣的頭墊及柔軟耳罩，長時間佩戴也保持舒適。音色方面，由於Ludacris是Hip-Hop歌手，所以SOUL的中低音尤其澎湃，而3.5mm插頭更經過鍍金處理，將失真減到最低。
音頻線不易變形
比SL 150更高階的有SL 300，售價較前者貴$900，但就追加了抗音消噪技術，令音色更為清澈；同時它的耳罩部分加入了LED閃燈，黑夜中閃閃發光，夠晒浮誇！另一款入門耳罩式耳機SL 100，基本技術跟SL 150相若，只是耳罩更為的骰，並改用藍、紅兩色，更適合後生男女。若預算有限，另有SL 49及SL 99兩款入耳式耳機選擇，同樣具備抑噪功能，並內置咪高峰及三顆音樂控制按鈕，最大賣點是使用欖形音頻線，粗身兼耐用，用幾耐都唔怕變形！
白色SL 150賣相簡約，連台灣名模吳亞馨都話襯衫一流。
古仔讚耳機有專業錄音室音色。
除黑、白兩色的標準版外，SL 150還有銀色巡迴音樂派對特別版。$1,790（黑或白色）、$2,680（銀色）
耳機可摺疊起來，並收藏於保護盒內。
耳機頂印有「SOUL」字樣，同Ludacris一樣咁高調。
SL 150的耳罩相當柔軟，長時間使用也感覺舒適。
耳機可伸縮，大頭仔都啱戴。
頭墊位是高度透氣海綿，並配有格仔花紋，更添潮味。
SL 300備有金、白兩色，並內置消噪技術，音色一流。 各$2,690
SL 49（左）及SL 99都採用了防摺音頻線，不怕變形。 $630（SL 49） $930（SL 99）
SL 100則轉用紅、藍兩色，青春有活力。 各$1,390
