LEGO音響童格靚聲
不少人細細個都玩過LEGO積木，仲會逐粒逐粒咁將它們砌成大廈、汽車等造型，完成後那分滿足感真係非筆墨可以形容。最近華仁影音便引入了LEGO Stereo CD Boombox音響，外形設計跟足以前玩開的LEGO，只是體積大了幾個碼，雖然冇得自己砌，但就能兼播CD、CD-R/RW，收聽電台節目，更可透過AUX In插口接駁MP3機，而且音色亦相當不俗，買番部放在床頭，童年回憶即刻返晒嚟，最啱送畀童心未泯嘅女仔。
外形設計似足LEGO，只是體積大得多，暫時只有藍色一款，但官方表示將會推出粉紅色版，有興趣的朋友要再等等。查詢：2787 7992
碟盤設於機頂，採用隱藏式設計，能兼播CD、CD-R/RW光碟。
機面設有一系列的操控鍵，能選擇播放CD、聽收音機或其他音訊，嫌低音不夠震撼的話，更可透過Bass Boost來增加低音的澎湃感。
喇叭設於兩側，而機頂粒「的」竟然是音量鍵，設計搞鬼過癮。