交通Apps港九路路通

香港地方唔算大，不過人多車多，交通網絡極之發達又多樣化，要記熟港九各大街小巷已經夠困難，交通工具路線有時也令人茫無頭緒。想日與夜都能通行港九，只要有以下幾個交通Apps跟身，咁就冇有怕啦！

大家對交通Apps有甚麼要求？想要小巴、地鐵、巴士，或甚至小輪嘅資訊？Apps Store絕對可以提供得到，加上他們大多數支援GPS定位功能，可以為大家即時找尋出附近車站，配合車費及車程時間，服務配套相當貼心。

MTR Mobile車費時間計到盡

近年港鐵路線愈來愈多，要清楚如何轉乘也要抬頭望望車廂內嘅路線圖。MTR Mobile已有齊以上所有路線，並已為大家計算好最短車程、顯示途經車站及收費。嫌資料不夠的話，更可在軟件內再下載「實境搜尋」和「沿途搜尋」等輔助功能，令資訊更完善。

費用：免費

KMB率先按鐘落車

「嗱，你過咗圖書館就按鐘落車啦！」相信大家都有類似教人搭車的經驗。不過現在可以不求人了，皆因九巴最近推出了「KMB」軟件，透過自行揀選起點及目的地車站，即可尋找到合適路線及車費資訊。它最大賣點是可於路線搜尋中輸入乘搭路線，便會即時顯示出沿途各站的名字及車資，而且每個站也有「Stop」按鈕，按下後通過衞星定位，快到站時便會提示大家落車，相當過癮！

費用：免費

香港巴士小巴分享一網打盡

坊間其實仲有一款名為「香港巴士小巴分享」嘅公共汽車軟件，包羅了新巴、城巴和九巴，可以選擇地區或以路線號碼搜尋外，更可利用GPS定位追蹤附近車站及所停路線。另外，此軟件還有紅色及綠色專線小巴路線查詢，並會列出各站名稱，方便大家掌握落車資訊。

費用：免費

香港深宵交通夜行寶鑑

年輕人精力旺盛，就算日間工作辛苦，到了晚上又龍精虎猛！突然畀個Friend Call去天水圍飲番杯點算好？咁呢個「香港深宵交通」軟件就幫到大家。它備有點對點及巴士或小巴號碼搜尋，以及可於到站前1公里至500米作聲音提示，就算要喺陌生又昏暗的街角落車，都唔會過站啦！

費用：

船期表離島旅遊啱晒

香港小輪航線愈嚟愈少，突然想重溫離島風光的話，大家不妨下載「船期表」參考吓。它以中環離島線為主，如兒時曾到過的長洲和梅窩一一落齊。加上船期表內會以顏色顯示不同收費，並會即時顯示最近查詢的航班，方便大家隨時出發！

費用：0.99美元