貳號機 旋風腿
早排山口式為《EVA新劇場版》製作新版初號機，蛇腰捲身、發光台座都令人嘆為觀止；一早收到風呢個月會出埋貳號機，除咗軟脂質料所炮製嘅蛇腰外，仲會有咩新Gimmick？今次冇翻炒發光Display架，改玩名副其實嘅旋風腿，無疑又有驚喜畀Fans！
底座轉盤夠Gimmick
劇場版當中嘅貳號機機設改動，可算係三部EVA中最大，因為劇中貳號機首次着咗「空中挺進專用S裝備」作戰，膊頭加裝航空機翼，喺高空極速回轉起飛腳，踢爆第七使徒嘅核心。山口式為咗重現咁具動感嘅一幕，專登設計咗一款可動台座，只要將貳號機擺好起腳甫士，再插喺台座支架，跟住絞動底部轉盤，貳號機就會氹氹轉，夠晒出位！機體方面有滑翔用航空機翼更換，武器就有短刀及機關槍，加埋山口式標榜嘅高可動性，幾型嘅甫士都擺到。
查詢：2148 9483（精品）
腳底可以同第七使徒嘅核心連接，重現OVA中起飛腳踢爆使徒一幕，爽！
絞動轉盤，就可以令貳號機自轉起來、使出旋風腿。
山口式劇場版EVA貳號機
售價：$268