Chat Room

潮流版記者Candy

早前，與好友娜娜出席美國時裝品牌American Eagle Outfitters開幕派對，買買買、玩玩玩，又有好歌聽，玩得盡興而回。當日，我們二人狂試今季新貨，牛仔褲、Tee及連身裙，尤其喜愛夏威夷風的碎花裙，價錢由$400起，今夏必備。哈！快快認住呢隻鷹，首間專門店已登陸尖沙咀LCX。

潮流版記者Jun

有一樣東西，從來都不會覺得有型，答案係郵票。點知Clot就玩出郵票，老實講我唔係佢忠實粉絲（因為潮童年齡已過），不過在眾多本地街牌它的確幾突出，經常都有驚喜。最近佢就以只換不賣的方式推出一套印有招牌Pattern的郵票，唔理係咪想Make Noise搞Gimmick，但件事確實將我自小覺得書蟲先做的「集郵」嗜好潮起來。

潮流版記者Irene

放假出動搵食，朋友說很久沒吃過辣東西，於是選擇了甚少吃的雲南菜。這家店子「彩雲南」位於銅鑼灣一條小巷的盡頭，人氣欠奉，但見網上評語甚佳，即管試試。點了的幾款小菜，當中「手撕辣子雞」最值得推薦，雞肉嫩滑，非常惹味開胃，其他如「香辣牛肝菌」也很特別。不過服務就認真麻麻，侍應愛理不理，要有心理準備。