Chat Room

Moe

前日放工搭Van仔，臨落車先發現銀包得番4蚊，「揦手唔成勢」之時，惟有厚着面皮問前座男仔借錢，佢又話無晒散紙。心諗死啦，無人可以打救我，實畀司機鬧死。望住手上的散紙包，真係欲哭無淚。點知天無絕人之路，等多陣個男仔回頭叫我畀4蚊佢，佢幫我畀埋（"O"）！我叫佢畀電話號碼我還$畀佢，佢又猛話唔使（'@'）在此衷心講句唔該！多謝！好人一定有好報！

Kiki

上星期五黃昏時段，突然收到好友二旺來電，因同事有急事不能前去欣賞王菲當晚首場巡迴演唱會，於是有多一張最貴門票，可以免費請我去睇，我當然毫不猶豫便Say Yes！最貴$980第二行，是在舞台的最右邊，所以全場只能望住王菲的側臉，幸好她間中都會走向左右兩邊，揮手Say Hi。講到最型，唔係服飾唔係化妝，而係Ending寓意人死後到極樂世界的棺材舞台，非常正，貫徹估佢唔到的作風！

Sanna

每次去英國都一定要食吓Fish & Chips，不過都係在街邊小檔食，或者Take Away邊行邊食。最近在香港，試了一個「高級版」的Fish & Chips，就是在中環Alfred Dunhill內的Alfie's餐廳。據聞此餐廳開業至今常常爆滿，要個多星期前訂位，而這個Fish & Chips雖然索價200多元，但分量極大，其炸魚鬆脆不油膩，魚質嫩滑又唔腥，難怪堪稱全港Fish & Chips的No.1，果然是名不虛傳。