Chat Room

科技版 記者Angus

驟眼睇見呢部GC-PX1，真係以為JVC終於進軍單反市場，原來純粹一場誤會。其實佢係日本JVC最新推出的高清攝錄機，內置新開發的FALCONBIRD感光處理器，支援最多兩小時嘅300fps、640×360短片拍攝，能細緻捕捉高速嘅動態畫面。若嫌畫質不夠細膩，亦可改用36Mbps 1,920×1,080/60p拍攝全高清動畫，影相方面則支援最多每秒60張嘅高速相片連拍，售價10萬日圓（約HK$9,500)。

科技版 記者Gilbert

若要數近期最受注目的科技界新聞，首推Nokia宣布跟Microsoft在手機市場組成聯盟。很多人對Nokia此舉抱有懷疑，但小記卻另有一番睇法。Symbian平台由誕生至今，雖然歷經多代變化，但其UI、反應卻一直沒有大改善，特別在iOS及Android推出後，更是相形見絀。如今結盟，Nokia毋須重新開發新OS，就能從Microsoft處得到強勁的軟件支援，而其多年的R&D經驗，亦能為WP平台注入新思維。另外，兩大平台至今已滾存大量Apps，結盟後，數量將非常可觀，甚至可一舉超越AppStore而成為最大的軟件商店。現階段未能預計「M&N」的結盟成效，但若兩者能產生協同作用，相信Apple及Google就難以繼續安寢了。

科技版 記者Alfred

小記上個禮拜啱啱去完上海，完成自己做記者以來首個公務Trip。雖然地點只係近近哋嘅上海，而且只得三日，不過對小記嚟講已經係一個好寶貴嘅經驗。事關一個人在海外採訪，過程充滿變數，事事都要自己執生。最起碼我要多苦練攝影技巧，更要買支長啲焦距嘅鏡頭先得。不過最難忘嘅，就係浦東夜景，因為難得出Trip幾日都天朗氣清，唔會矇查查一片，所以可以好清楚咁欣賞浦東美景，個人覺得比中環仲靚！