星矢CG版預告
不經不覺，今年已經係《聖鬥士星矢》25周年紀念；除咗下個月嘅「聖衣神話」冥王哈蒂斯，以及有望今年內推出嘅TV版初期型鳳凰座一輝外，玩具方面仲未有震撼消息公布，不過動畫界就令人充滿期待。事關東映動畫最近喺網上發布咗一段數十秒嘅短片，宣布將會推出星矢嘅CG版動畫，相信電影化嘅機會比TV化高，雖然星矢喺短片只係出現咗幾秒鐘，而且全程只係見到背脊、冇樣睇，不過都足以令粉絲沉睡多時嘅小宇宙死灰復燃吧！希望東映方面注重CG效果之餘，仲要畀足心機度劇本，千祈咪似幾年前嘅《天界篇 序章》悶到釣魚。
網址：http://www.toei-anim.co.jp/movie/seiya_cg/
《聖鬥士星矢》25周年CG動畫預告短片