Chat Room

飲食版記者 陳小皮

自從做咗飲食版記者，好多一向唔食的東西，我都大膽嘗試。對於不少刁鑽食物，已經見怪不怪，但勢估唔到舉家到廣西玩，竟也每餐都充滿驚喜！你試過30塊手掌咁大的鵝肝成碟上枱當番薯食未？你試過一枱12人卻有30碟餸未？你又試過食沙蟲未？這貌似蚯蚓、生長於沙灘上的沙蟲，以肉質肥厚嫩滑、含豐富營養見稱，好彩唔係原條白灼而係炸脆，否則我一定唔夠膽食。

飲食版記者 師傅仔

雖然經常要飲飲食食，但本人其實甚少入廚，亦愛推介大家出街食，方便又快捷嘛！早前應邀參加烹飪班，在大廚們的協助下，總算似模似樣的炮製了番茄頭盤、巴馬火腿包海鱸魚、果撻及雞尾酒，看到製成品時竟然沾沾（本人對沾沾自喜的簡稱），哈哈，原來都幾開心喎。多謝小皮影得我咁Pro！

飲食版記者 Josh

散水餅，沒有明文規定但約定俗成，是離職前用來「感謝」工作上幫過你的朋友。對此，本人不會太吝嗇（當然，這與你收入有直接掛鈎），無論上司有多眷顧但工種超辛苦，或者老闆超惡頂、性質高挑戰，走過「地獄」就處處是天堂，就算當「墮落天使」離開地獄，都值得用來感謝吧！GODIVA朱古力是多年來心水散水物，離開未必為了回來，但值得為過去合作的夥伴們提供「快樂催化劑」，何況走得漂亮是對自己的尊重呢！如你明白，輪到你揀時，也不要草草在港鐵站的餅店買吧！