Leanne失守 堅冧迷魂兔

兔仔兩耳聳立，頭大身小，少女看見皆愛之，所講的正是My Melody同Kuromi；當她們遇上兔年，「迷死女」的程度更有過之而無不及。今年Catalog及Marathon Sports，專程找來Sanrio旗下的紅兔與黑兔玩兔年限量Crossover，紅、粉紅、黑和白色的斗篷、Tee和外套等，非Cute即Cool，連爽朗的Leanne都話利是失守，必入紅兔斗篷同黑兔Tee！

每個女仔細時都有鍾情的卡通人物，而Sanrio旗下可愛兼經常轉換造型的Characters，俘虜了不少女孩子的心。今年適逢兔年，所以Sanrio出品的兔仔Characters My Melody及Kuromi均被視作吉祥物，更與Catalog以及Marathon Sports齊齊搞跨科，主力出上半身的服裝，如Sell Cute爆樣的Melody頭及Kuromi Tee，還有紅噹噹的斗篷、外套等，色調離不開Melody招牌紅色及Kuromi的黑白色，希望透過色調表露出兩個不同角色的個性—可愛和邪惡。

主打易襯Tee款

至於設計方面，除了「硬銷」大頭可愛圖案外，還有如Monogram般的Kuromi圖案，以及My Melody的紅心圖案作綴飾；雖然Items全都是簡單的Tee或外套，卻都是User Friendly的百搭之選，皆因長身Tee可襯Leggings或短褲加Leg Warmer，甚至最Basic的牛仔褲或裙都得，童心未泯的大朋友絕不怕難配搭。今次的限量兔仔系列，Leanne在拍照當日也被「迷住」，數次追問幾時有得買。她說：「最鍾意紅色Melody樣的斗篷，泡泡袖設計好搞鬼，仲要頂帽有埋兔仔耳，好得意！其次Kuromi黑色大頭Tee，膊頭位的波波耳設計好特別，黑色又容易配襯，呢兩件我一定會買！」你會唔會好似Leanne咁搶埋一份？

查詢：（a）2506 3139 　（b）3514 4132

Karen Walker

* 土生土長新西蘭人。

*創立同名品牌，1998年衝出澳洲，紅透歐亞。

* 作品愛以一個女孩站立的剪影為招牌Logo。

*設計風格多是天馬行空的創作，經常出現印花、條紋及圓點等圖案。

* 每季都愛在衣身細節綴上有如Ruffles般的荷葉邊。