Chat Room

科技版記者貓科

驟眼睇還以為是幪面超人的眼罩，細看介紹才知道是Sony新曝光的3D眼罩，內置有機EL屏幕，只要戴上它就能欣賞3D影片，其震撼感還有如觀看200吋大屏幕，而且畫質細膩對比度高，同時設有耳機，睇戲之餘還能感受模擬5.1環繞聲音效，如配合手提3D藍光機的話，就能一邊搭地鐵一邊欣賞《阿凡達》等3D電影，不過依家要飛去日本先有得試玩。

科技版記者Alfred

早年收購咗Palm嘅HP，終於發表自家Tablet-HP TouchPad。其實HP之所以收購Palm，就係因為睇中咗Palm開發嘅作業系統「WebOS」，雖然仍未知新機嘅詳細規格，但依家搭載咗WebOS嘅Touchpad實機影片已經响網上流傳，如果小記冇估錯，今個月底HP喺上海嘅發布會一定會重點介紹，到時大家只要緊貼小記嘅報道，咪可以知道部機有乜新嘢玩！

科技版記者Vincent

嚟緊又到歐聯淘汰賽階段，小記作為阿仙奴死硬派粉絲，當然最留意「阿巴大戰」。上年八強賽事，阿仙奴慘被巴塞玩弄，主場苦戰下僅僅賽和，作客更被大炒，睇到心都噏埋！今年竟然再遇宿敵，當然好想愛隊能夠復仇成功，但眼見巴塞今年氣勢更強，連主要對手皇馬都唔夠打，相反阿記後防就甩漏多多，睇嚟今年都係凶多吉少。惟有寄望阿仙奴打場好波，頑強抵抗外敵啦！