除咗幫車主/準車主指點迷津外，林師傅仲好唔話得，講埋股、樓貼士。佢話從九官飛星中，睇出6、7為大利股市嘅數字，利樓市就有6同8；除咗買股票或者揀樓盤時，可以留意以上號碼，個人亦可作催運組合，例如你肖龍，今年嘅Lucky Number係9，想喺股票市場有所得益，車牌或手機No.就不妨多用6、7、9呢幾個數字。不過講明先，無論係車身顏色、車牌號碼、車款推介、車廂擺設，以及股樓數字，但凡玄學嘅嘢，都唔可以百分百作準，用嚟參考則毋妨！
今年想喺股票市場獲利，不妨多啲留意及善用「6號仔」。
