心形公仔增桃花

唔少男士出車，無非想喺女仔面前增加本錢，不過如果你仲係「王老五」，未有女仔肯長駐助手席嘅話，不妨喺車廂搞啲花臣、催谷桃花運。據林師傅教路，今年大可將紅色或粉紅色嘅心形物品，例如公仔或者朱古力放喺車廂。師傅仲話入廟祈福時所買嘅風車，不妨放喺司機位後面，有助增加財運咁話。

放紅色或粉紅色嘅飾物喺車廂，據講有助催旺桃花運。