自訂車牌有規矩
知道今年有邊啲號碼利自己，大可考慮用嚟自訂車牌提升運勢。運輸署自2005年起推出自訂車牌計劃，反應熱烈，現時署方喺每年嘅一、五及九月接受申請，一般要經過六個階段，如申請嘅車牌組合超過一人以上申請，就要經過拍賣過程。留意署方對於車牌組合有明文規定，包括唔可以有令人反感、不雅等組合，亦唔可以同政府部門車牌近似，以免混淆視聽，至於英文字母嘅I、O及Q都唔用得。自訂車牌組合以八個英文或數字為上限，申請人只要到運輸署遞交申請表，被通知中籤後繳付$5,000按金，經過拍賣過程就搞掂，詳情可到運輸署網頁www.td.gov.hk瀏覽。
自訂車牌反應熱烈，不過記住I、O及Q呢幾個字母係唔揀得o架！
除咗車牌組合內容有限制，字體大小及距離都受法例規定，出牌前要到運輸署網頁查清楚。（設計圖片）