得閒圍脖

Moe：

過咗25歲，精神和體力均大不如前，每年也要去做體檢，不過總忙得分身不暇。早前行經時代廣場，經過Fancl House主理的F&H新店，即免費試驗了他們的Mini Body Check，結果發現骨質疏鬆達高危程度、中央肥胖、缺乏鐵質和鈉質過多等，而且結果有根有據，例如小記不飲奶、不吃紅肉和經常外出用餐等，看到情況如此嚴峻，我也真的要的起心肝改變生活習 慣喇！

Kiki：

唔少新品發布會都會花盡心思搞Gimmick，好等到來的傳媒朋友留下深刻印象。在新年前最後一個記招—嬌蘭香水Idylle Duet產品發布會上，大會安排一個插花環節供我們美容記者樂在其中。為貼合香水的主題，提供了保加利亞玫瑰和其他品種的鮮花，讓我們「炮製」花籃；天生沒甚藝術細胞的我，只盡量把鮮花插得得體大方，不過卻給予在新年前趕稿趕得天昏地暗的我一個難得的Relax機會。

Sanna：

向來屋企親戚比較少，所以當人哋由細到大都大豐收有幾千蚊利是時，我只係得幾百蚊。近年仲愈嚟愈懶拆利是，呢4、5年收到嘅利是我都只係放喺床頭一個大盒裏面，但原來不知不覺已經累積咗一大堆，有成過百封之多。今年我決定正月後一次過拆晒存入銀行，唔知到時「累積獎金」會有幾多$$呢？