三菱小車攻全球
各大車廠都致力開發小汽車，三菱（Mitsubishi）都唔例外，最近就發表咗Concept Global Small，並且定性為「全球戰略」型號，寄望之大可想而知。呢款新車標榜低耗油、低排放，將會選用1.0至1.2公升嘅細容積引擎，配合怠速熄火系統、煞車動能回收系統、CVT無段式變速波箱，低阻力輪胎，以及低風阻嘅車身設計，據知二氧化碳排放量可控制在95g/km以內。Concept Global Small嘅真身將於三月日內瓦車展首展，預計明年便可投產。
有別於現時嘅ASX、Pajero及Outlander等三菱車系，Concept Global Small唔再用鯊魚頭，面相簡潔得多。
性能詳情、售價以至推出日期，相信最快要等到今年三月嘅日內瓦車展才會揭盅。