萬事得三線搞環保
動力環保化係現時各大車廠嘅共同發展目標，萬事得（Mazda）最近就公布咗一項構想全面嘅戰略藍圖—Building Block Strategy，實行三線並進，除咗大幅改善目前型號嘅燃油效益外，並會開發Hybrid混能車及電動車；以電動車為例，就計劃喺2012年，率先喺日本租車市場推出電動版Mazda，以政府單位及企業為主要對象，據知廠方以200km作為電動版Mazda2嘅續航目標。至於下月嘅日內瓦車展，萬事得就準備概念車Minagi進行全球首展，到底呢款新車會為SUV市場帶嚟幾大衝擊？下月自有分曉。
作為重點參展作品嘅Minagi，可見廠方對SUV市場有好大期望。
電動版Mazda有望於明年推出，將會以以租車形式進行全面嘅實地測試。