得閒圍脖

家庭版記者Olivia：

不經不覺畢業數年，身邊不少同窗好友都儲夠老婆本，陸續宣布婚期。踏入結婚高峰期，雖然預計荷包會大量出血，但也由衷替他們高興。最近有一好友公布，將於平安夜與拍拖8年的女友拉埋天窗，引起大班朋友抗議；因為有拖拍的平白失去纏綿的時間，無拖拍的更要犧牲出外覓食的黃金機會。怨聲沖天的我們決定：一圍人只給一份人情，以解心靈之苦，不過我為人厚道，打算畀多50蚊。肥莊，作為朋友算係咁喇！最後借敝報珍貴的版位，預祝你與楊楊白頭到老，兒女成群！

家庭版記者Rachel：

自問不喜歡細路仔，偏偏工作常要跟細路仔「打交道」，是以每次影親子活動、Playgroup，都覺得自己拍緊《Mission Impossible》，睇怕都仲要拍到第10集。雖然每次採訪前都諗住要置諸死地，但好多時又順利「碌」過，「生勾勾」走番出嚟。或者對住一班明知要「耐性」去對付的生物，容忍的底線就會推得更低。呢個時候最漂亮結尾應該是「如果容人之量可以由細路仔，廣及至更多人就好了。」但對唔住，我還是很喜歡拍枱的。