清淡版Omakase　留住靚女心

皮膚滑溜、身形苗條，唔少女士都想擁有，更何況係電視台當家花旦、新紮姐仔？為保持上鏡最靚，女藝人都難免要忍忍口，食得清淡。偏偏這位於尖沙咀的八重菊，能吸引到視后佘詩曼、胡定欣及梁靖琪等，原來撒手鐧係由大廚發辦（Omakase），像貼心的奉上新鮮刺身、清淡版鐵板燒，即使貪靚都有口福。

八重菊開業僅年多，已是城中有名的日本餐廳，全因壽司刺身、鐵板燒、和食及天婦羅瓣瓣精。這裏的食材，9成來自日本，更不乏矜貴罕有貨色；師傅們個個出身名店，廚藝嫺熟，難得環境也優雅舒服，可盡覽維港靚景。

食得健康清淡

美食、美景兼備，自然能成為「星」級餐廳，像佘詩曼、胡定欣及梁靖琪等，便不時到來開餐，這裏既有闊落廳堂，亦有私隱度高的貴賓房，可照顧藝人們的需要。行政總廚老偉波表示：「女藝人要Keep Fit，普遍食得健康、清淡，但她們對食要求很隨和，通常交由我們發辦。」

由大廚發辦，即日文的Omakase，常見於高級日本餐廳，無特定餐單，全由大廚替食客決定菜式，既會照顧客人口味，亦見師傅真章，時有驚喜之作。這裏的師傅們經驗豐富，對掌握食客要求無難度，像會為一眾靚女準備刺身壽司、少量鐵板燒，配熱稻庭麵或炒飯，以及水果等，總之以健康為主，分量亦適中。

「特製」薄切拖羅

波師傅說：「我們有很多新鮮刺身，像拖羅、油甘魚、左口魚、深海池魚及生銀鱈魚，還不時有當造靚魚，選擇好豐富。連同牡丹蝦、赤貝及海膽等，都好受女藝人歡迎。」他指出拖羅油分重，為令靚女們放心食，會特別來個薄切版本，既可一啖入口不覺膩，又食得優雅，做法貼心周到。

來八重菊，當然不要錯過有名的鐵板燒，像佘詩曼愛食鐵板炒雜菜，胡定欣則嗜鵝肝及水晶蟹。波師傅亦為鵝肝炮製「清淡版」，即1件鵝肝分成4份，方便分享，還附上蘋果去油膩，醬汁則用上意大利陳年黑醋，有助平衡食味。他補充謂烹調菜式時，都會少鹽少油，全店更用上含Omega 9的美國無毒害芥花籽油，以及法國無鹽牛油，着重健康天然，難怪令靚女們一試愛上。

查詢：2328 9123