得閒圍脖

飲食版記者陳小皮：

記者永遠要快人一步，好似仲有幾個星期先到新年，我已經不停被賀年菜、年糕大包圍，最近仲加埋情人節，實行提早過節。在芸芸新聞稿中，最令我Surprise是這個雪糕蛋糕花，用十幾個雪糕球做成花束，送畀另一半，會唔會搞到周身都係（即係融咗）？據講原來「雪花」會有乾冰托住兼有專屬速遞服務，所以全港只限量100束，咦！如果用來求婚，相信新娘會因為怕啲花融，而快快應承嫁畀你！

飲食版記者師傅仔：

自問是個幸運兒，經常遇到好人好事，最新一單是越南餐廳老闆，在聽到小記的拍攝構思後，竟仗義借出食材：河粉、牛肉、洋葱及香草，一應俱全。本應由小記準備的，變成有人無條件幫忙，實在值得感恩。

飲食版記者Josh：

以前極不明白為何去到外地，導遊總帶大家去唐人餐館吃唐餐，花巨費觀光不是親嘗地道小吃，竟然食回家鄉小菜，於理不合。長大後外遊例不入中餐館，卻引發另一種「怪癖」，像去泰國，二話不說落柯打的就是Phat Thai，Emporium裏Greyhound的、連鎖店Noodles的、街邊熟食檔的，就連布吉酒店Room Service都食勻，更定下「宏願」，在各地不同地方食同一款菜式，算不算自我的「食力士紀錄」？情形如同曾想過到不同國家的麥當勞食漢堡包，價錢不同外，味道可能跟地域而異。從此，諒解吃中餐的旅行團，可能他們都跟我一樣在締造「世界紀錄」。