得閒圍脖

科技版記者 marcovaldo：

每趟去賭城都會睇一齣Cirque du Soleil，之前睇過《O》、《KA》同《Zumanity》，今次轉睇同街頭魔術師Criss Angel Crossover、喺金字塔形Luxor酒店駐場嘅《Believe》。Criss Angel絕招有水面行走、凌空升起同半空甩身，《Believe》入面就示範了後兩招，還加送讀心術、刀鋸美人同大量移形換影等魔術，現場睇確實幾震撼；不過Criss Angel都幾多口水，搞到有少少悶場，好在有墨西哥小丑插科打諢中和吓。因為係上網訂超特價票嘅關係，票價都只係五十幾美金，雖然差不多係坐最後幾排，但就對正舞台正中間，都值得畀7.5分。

科技版記者 Gilbert：

NBA選秀會向來是明星搖籃，Iverson、Jason Kidd都是經此發掘出來，但數到近年的新秀狀元，除了LeBron James外，便一蟹不如一蟹︰John Wall名過其實、Oden一傷再傷，不提也罷！然而，今年卻突然有一顆新星冒出，說的是快艇隊的Blake Griffin，雖然上季他未打已經收起，但今季傷愈後卻以驚人的入樽引盡注目禮。有人說他像Shawn Kemp，但小記就覺得他更靈活、更具爆炸力。期望明星賽他能擔正做大前鋒，看他野獸入樽，點都好睇過Duncan牛角位擦板啦！

科技版記者 Boris：

成日有人話「若要身體好，咪買利物浦」，身為利記粉絲，聽到類似嘅揶揄語句真係聽到麻木。希望由杜格利殊帶領下會好啲啦！不過，最驚喜嘅係最近喺Facebook見到一個由香港Fans發起嘅利記Fans Group，而且版主好鬼勤力，每日都有唔少有關利記嘅新聞轉載，唔怪得短短幾個月，人數已經激增到四萬幾人，令一眾Fans深深體會到利記會歌《You'll Never Walk Alone》嘅意思！