得閒圍脖

Candy：

踏入2011年1月，是時候去舊迎新，各大小品牌陸續舉行春夏時裝發布會。上周， 瑞典品牌Monki於中環開設一日期間限定店，但其上架貨有得睇，無得賣，只供本地傳媒預覽。當日，品牌特製了幾款Monki得意卡通曲奇小食派畀傳媒朋友邊睇邊食，睇見這張有趣的笑臉，我真的不忍把它們吃掉。

Jun：

在上海工作的朋友常說在當地消費拍得住香港，但同時亦存在平靚正好味的基層飯堂。今次出Trip到上海，我特別提早起床去找這些小店。用了大半小時終在酒店附近找到一間生煎大王，論口感味道，比香港食過的乜乜大王都要好，而且價錢平到你唔信，鍋貼¥2.5/4隻、青菜肉絲炒麵¥6碟、小雲吞¥3碗，牛肉麵¥5碗，三個人食到捧住個肚走，埋單卻不用¥20，唔嫌棄環境麻麻，去上海住靜安區的話一定要去試試。

Irene：

今個星期發生的大事，不得不提同事兼好友阿Lum的大婚之喜。與她相識已有5年的時間，看着她踏入人生另一階段，確實開心得難以形容。婚禮當日感動場面一個接一個，尤其新郎哥的「10蚊燒肉飯宣言」，令台下所有雌性動物都眼淚大爆炸。阿Lum，恭喜你搵到個好老公，最好快啲生番個小LumLum！值得一提的是，平日不化妝的新娘子，上妝後美艷過很多明星，下次搵Model我知點做啦！