得閒圍脖

Moe：

依家去日本旅行，名店已經係次選，潮人主攻的反而是當地的古着！繼上次推介過的下北澤後，我最愛的就是位於代代木公園的Sunday Market，這地攤規模計落有上百個攤位，當地人都愛將自家寶物「晒冷」販賣，上至衫褲鞋襪，下至沙煲刀叉都有，此舉既環保又讓別人找得心頭好，檔主更不時自動減價，隨時執到寶添！

Kiki：

剛過去的平安夜是男友家中貴婦狗Bosco的一歲生日，令我想起前年平安夜，Bosco爸爸啤梨以一歲之齡便榮升狗父，因為某些原因兩父子分開居住了好幾個月。活潑的Bosco，喜歡生吞洋葱鹹蛋，這個超百厭仔仔近日搬回來與啤梨居住，啤梨當堂定性咗好多，好似要同囝囝鬥扮乖博取主人歡心，個樣都當堂慈父晒！

Sanna：

一過完元旦，時裝品牌春夏發布會排山倒海舉行，特別是星期四更加是Event的高峰期，試過一日之內有多達5、6個Event舉行。上個星期四就連趕幾場記招，皮鞋、珠寶品牌、太陽眼鏡同時裝都有齊，尾站去到上環Monki春夏系列記招，到達時已差不多天黑！講番今季Monki繼續有好多Funky又帶點Edgy的服飾，有好多我至愛的Blouse、束腳褲同長身外套。不少服飾1月起開始到貨，唔……嚟緊幾個Weekend，我又要去「巡舖」了。