$150坐氫氣球睇維港 阿雪嗌好靚
經常聽到有朋友說希望去外國旅行可以玩熱氣球，但其實熱氣球技術要求高、成本貴，例如去新西蘭、土耳其等地方玩的話，收費可以高達每位二千幾元，反觀氫氣球就經濟抵玩得多，好像今次在西九龍海濱長廊開設的氫氣球升空服務，收費只是每位$150，就算一家五口齊齊玩，使費都唔過一千元，玩完又可以到附近食肆醫肚，身心即時充電。
要體驗飛翔天際的樂趣，有時未必一定要坐飛機，乘坐氫氣球升空可能是更刺激的方法。最近就有公司在西九龍海濱長廊開設氫氣球升空服務，乘客可以坐上氫氣球升上約30層樓高的百米高空，鳥瞰一望無際的維港靚景，連藝員阿雪試玩過都激讚有飛翔快感。
直徑有如太空館天幕
如果最近有去開西九龍一帶的話，都會遠眺到接近海濱長廊的位置，有一個巨大的黃色氫氣球在升升降降，該氫氣球由英國公司Lindstrand Technologies製造，其領導人Per Lindstrand曾跟航空公司老闆乘氫氣球橫越太平洋。今次來港的氫氣球雖不能橫越維港，但亦相當巨型，直徑達23米，即係幾大？差不多等於太空館個半球形天幕咁上下，可想而知有幾誇張。
五分鐘升上百米高空
氫氣球的底部連接了一個鋼籃，天朗氣清又無風時可容納30人，就算大風下都能收納20人，但如果風力達至17 Knots（約19.6 MPH）以上時，為安全計就會取消升空服務，所以各位出門前最好先致電熱線問清楚。當坐滿乘客後就可升空，剛升空一刻會有些搖晃，但升空後就會慢慢穩定下來，而整個升空過程約需5分鐘，最高可升至約30層樓高的100米高空，此時工作人員會要求乘客平均站在鋼籃的不同位置，以免出現傾斜。
鳥瞰維港睇醉人日落
當升到最高點後，氫氣球就會停留在空中15分鐘，讓各位欣賞空中景致。由於升空位置貼近維港，故能鳥瞰一望無際的維港靚景，此外還可以看見興建中的高鐵站、西九龍文化區、以及高聳入雲的環球貿易廣場，每個角度都有不同的景致，如果剛好在日落時段升空的話，天際會染成金黃色，更是令人神往。
活動資訊
地 址：西九龍海濱長廊
日 期：即日至2012年年初
升空時間：10am-5:15pm
價 錢：成人（$150）、12歲以下小童（$75）
查 詢：2559 2944
Step 1
鋼籃中央有一條鋼纜，連接着氫氣球與地面，升空時鋼纜會慢慢放鬆，氫氣球便徐徐上升。
Step 2
吊籃中央有個中空的底部，升空時便會見到地面的景物變得像微型玩具。
Step 3
剛升空一刻會有些搖晃，玩家可能要捉緊四周的繩網。
Step 4
約5分鐘後，氫氣球就會升至最高點，此時便可鳥瞰一望無際的維港靚景。
Step 5
如果剛好在日落時段升空的話，會看見天空被染成金一片黃色，景色超靚。
如想在空中影相時效果更佳，小記提議帶多支魚眼鏡，雖然相片會有少少變形，但卻可將維港靚景盡收相片內。
升空站設有影合成紀念相服務，收費每張$100，只需在綠幕前影相，就可合成到飛翔於天際的氫氣球上。
排隊上氫氣球時等到悶，亦可在旁邊的咖啡檔飲杯熱咖啡。
入夜時氫氣球旁亮起射燈，配合維港燈飾背景，相當吸引。