得閒圍脖

Ha Lam：

周末閒留在家，望住焗爐心血來潮，突然有一股整曲奇的衝動。一向本着「想做就做」宗旨做人的我，結果天寒地凍，落手落腳整起朱古力粒曲奇！或者大家覺得整曲奇有咩咁厲害，但對於煮食零天分的我就絕對唔係易事。吸取上一次嘅失敗經驗後，今次成品比預期中好食，當然要膽粗粗拎返公司與同事共享。嘻！一眾同事畀面做白老鼠之餘，仲大讚好食，真係有上咗天堂的感覺，多謝你哋！

Jackie：

廣州自亞運後，整個城市面貌也改變了，位處西關的荔灣，多年受污水污染成為臭涌一條，因亞運光臨而重新修建，約700米長的溪邊，掛滿大紅燈籠，極具江南水鄉風味。平日只被當作北上探親的廣州，現終可升格為短線的旅遊熱點了。只是，如此秀麗的旅遊熱點，公廁整潔程度依然有待改善，公廁地板依舊故我濕漉漉、沒人打理、廁所水箱繼續滲水，再美的風光也是大煞風景呢！

Ivy：

天氣凍，安坐家中都竟然可以呼出白煙？！位處大埔的公司當然又會再低一、兩度，放工等巴士的時候，身邊包圍的空氣並非「人咁品」，簡直有如置身冰格，而我當然就是那舊雪到僵化了的凍肉。雖然覺得身在香港，又厚褸又靴子又頸巾已經是何其誇張，但要面對嚴寒的天氣，我都不得不拎返頂冷帽出來，Full Gear上陣，再外加隻電子暖手蛋，同5℃的大埔死過！