楊思琦狗狗開心人輕鬆

「我自己養咗5隻狗仔，全部都好乖o架！因為平時工作太忙，所以經常冇時間陪佢哋玩，難得前排新年可以放假，就一次過幫啲狗狗梳洗、扮靚靚。剪完毛沖完涼之後，佢哋見到自己咁乾淨，開心得跳跳紮，連我自己亦輕鬆晒！」

I Travel 紅葉之旅變鹽焗雞

「前排幫公司拍紅葉做主題的旅遊特輯，喺日本3個星期，走訪不同的縣，記得有次去浸沙浴，我成個人被一堆熱沙埋住，剩番個頭突出嚟，感覺好似鹽焗雞咁，不過焗完成個人真係鬆晒，而且聽聞咁做可以促進新陳代謝、治療肩膀痠痛添！」

I Eat 軟綿鹿角牛牛扒

「喺日本期間，我哋食過一間有鹿角牛供應的餐廳，我第一次食鹿角牛牛扒，感覺好似食和牛咁，但吃時會以酸汁蘸食，入口即溶，就像棉花糖般軟綿綿，我到依家都仲好回味！」

I Listen 謝安琪《脆弱》

「平日在家最愛聽收音機，通常會一邊聽住《風騷快活人》，一邊在家中行來行去做其他事，最近仲愛上聽謝安琪首新歌《脆弱》，啲Melody好舒服好好聽。」