《Gundam Fighting Strike》元祖高達隻揪

作為高達粉絲，如果想隨時隨地玩高達遊戲，除咗PSP嘅《GVG》外就冇其他選擇。近排《Gundam Fighting Strike》啱啱喺日本AppStore上架，將元祖2D橫向嘅高達對戰搬上iOS，雖然畫面質素一般，不過勝在夠經典，而且有舊高達、渣古等機體畀大家揀，仲支援埋iPhone藍芽對戰模式，可以隨時同朋友隻揪！

升呢開隱藏機體

《Gudam Fighting Strike》總共有三個模式，分別係單機、連線對戰同埋練習模式。一開始已經有大家熟悉嘅舊高達及渣古等機體，大家只要完成單機路線，就會取得經驗值幫人物升級，完成特定條件的話，更會開啟如自護號等隱藏機款，非常襟玩！如果嫌電腦太渣唔夠挑戰性，仲可以用藍芽同朋友玩連線對戰，夠晒刺激！至於新手亦可以先用個練習模式熱吓身，兼練吓連招！另外，玩家仲可以到AppStore以$0.99美金單撈神盾高達或者維拿‧基拿等新機體，粉絲必入！

下載費用：¥600

（約HK$56，必須以日本AppStore帳戶購買）