得閒圍脖

Moe：

家陣日本紙水勁高，去日本旅行，Shopping下下要就住，真係好無癮。要買得暢快，我就推介東京西南面的下北澤，搭JR直接可到達。那裏小店林立，大部分都是自家品牌同古着（即二手貨），拎上手有平有貴，但比起同香港一樣價錢的名牌，的確相宜得多。我就曾經喺下北澤北口的第一間二手時裝店BIG RUBY執到筍貨，一件DKNY大褸才HK$250，八成新；Olive des Olive針織無袖上衣，幾乎全新也不過HK$30，各位不妨到此一遊！

Kiki：

剛為DiorSnow新產品到了泰國布吉作三日的採訪。對於首次到布吉的我來說有點期待；今次獲安排入住一屋兩房的Resort形式酒店，可從房內落地玻璃欣賞到一望無際的海景，還可到房外的小泳池暢泳或享受日光浴，真的是前所未有的暢快，為忙到一頭煙的我Relax累透的身心！

Sanna：

呢幾日氣溫唔算好低，但可能太濕關係，即使13、14℃，感覺比8、9℃更凍。成日只係記得着多幾件衫同厚褲保暖，唔記得個頭都要保暖，結果前幾日在大埔等巴士猛食西北風，個頭凍到不得了，可能就如老人家所講個頭「入風」，結果頭暈發作眼花兼天旋地轉！之後就用老人家方法搽吓驅風油，點知又真係Work，果然好番啲！不過自此之後，我決家呢排帶定頂冷帽傍身，唔係又會好易病o架嘞！