得閒圍脖

Sammie：

除咗做嘢之外，真係成十年無去過海洋公園，今次因為有台灣朋友來港，令我有機會再遊，重拾不少快樂之餘，更加有好多第一次出現添！好似第一次睇國寶—熊貓，見到盈盈樂樂自己玩得開心，肥嘟嘟咁真係好得意呀！「嘩！爽！攤喺度食竹葉，真係人生一大樂事！」見到佢哋食嘢個樣，就覺得佢哋心入面應該諗緊呢句話，令我童心都返晒嚟，不停笑同叫添！另外，今次更第一次參觀海洋館、海洋劇場，亦第一次玩心都離晒嘅越礦飛車，總之樣樣都感覺有趣，我諗台灣朋友們都有相同感覺，希望佢哋都玩得開心喇！

Abe：

繁忙工作了六天，等嘅就係呢一日……北上。對於我們這些電腦一族，北上當然少不了揼骨這一環節，但今次揼骨不是主菜，而是令我一直期待的海鮮餐！到了酒家，相識不淺的朋友由我這海鮮王發辦，我當然發了狂似的叫、叫、叫！結果那一餐，我們吃了薑葱大肉蟹、瀨尿蝦王、大扇貝、炒蟶子、燒蠔、象拔蚌刺身等……叫得招積亦食得開心，一行四人亦只是每人百多元，抵到呢……果然，搵食都係要北上神州！

Rowena：

踏入新的一年，不少人都會選擇在元旦日遠足行山，而我就和朋友五人，到大美督遠行了一轉大運！最愛起步時右方的船灣淡水湖全景、最美是末段尤德亭的南涌日落景致。途中，我突然憶起一段小曲並嚷道：「我當年就係响呢度，遇見老牌油王子，佢播着自己翻唱嘅舊歌，邊行邊唱添，好搞笑！」想想，原來這路已四年沒走，幸好風光依舊。