吳若希同Honey行街倒數
啱啱過咗聖誕，樂壇女新人Jinny （吳若希）收到勁多史迪仔嘅聖誕禮物，當中佢最鍾意嘅係公司同事送嘅史迪仔投影射燈，晚晚開着佢，照到成間房都係史迪仔圖案，陪住Jinny瞓覺！Jinny超鍾意史迪仔，佢話如果去到除夕都仲有禮物收，最想要件史迪仔衫畀佢Honey着！
粉絲唔好誤會Jinny已經有男友，Honey其實係佢一隻2歲大嘅混種唐狗。Jinny話除夕當日要出席銅鑼灣倒數活動，而且仲要走兩場，如果當日有空檔嘅話，佢最想同Honey去銅鑼灣遊艇會海皮行街街倒數，因為牠好乖好聽話，成日跟出跟入，又唔會扭計，但係Jinny就擔心Honey着咗件衫仔會周身唔自在。
呢啲史迪仔禮物都只係其中一小部分，Jinny希望除夕夜仲有禮物收。
2歲嘅Honey係混種唐狗，乖巧又好聽話，難怪Jinny錫到佢燶！