眨下眼又一年,唔想虛度光陰,有乜好方法?朋友Farrah就有個好搞鬼嘅建議,佢話屋企擺放靚靚時計,會忍唔住望多兩眼,或者可以提醒自己好好珍惜時間喎!佢响觀塘駱駝漆大廈附近返工,最近發現有間售賣潮流貨品嘅樓上店「潮流點」,售賣嘅鐘款不算多,但勝在夠平。雖然標咗原價,但每件產品都有8折優惠。好似有大大個嘅掛牆齒輪鐘,响其他地方賣成$800至$1,000,呢度買打埋折$500仲有找,價錢好吸引!
查詢:2305 4440
圓形座枱齒輪鐘,設計夠時尚,襯晒型格家居。$480
得閒無事可用呢個拍板鐘過吓導演癮拍戲。$450