車訊站：2013 F1換新偈
車壇環保化，唔只靠全球車廠、車主，F1都身體力行！最近FIA世界汽車運動理事會（WMSC）宣布，F1將於2013年改用1.6公升直四Turbo引擎，轉速限制喺12,000rpm，比起現時嘅2.4公升V8引擎，相信可以減少35%耗油量。消息公布後，多間引擎製造商表示要發展高壓噴射技術，先可以令新引擎保持現時嘅性能水平，並預計2013年嘅F1新偈，會以500bar壓力注入燃油，係傳統汽油引擎嘅140倍。除此之外，FIA仲會進一步限制每季賽車嘅引擎使用數量，由現時嘅五台減到四台，不過波箱反其道而行，由一台增加至五台，各大車隊都要早作準備了。
