銷量標青嘅唔只寶馬,皇冠汽車張成績表一樣Sharp醒,旗下嘅豐田喺11月就售出514部新車,成為該月最高銷量品牌,累積銷量仲增加至4,985部,加埋Ractis Verso趕及過年前推出,令豐田大有機會成為本年度嘅銷量總冠軍。整體方面,皇冠旗下嘅私家車及商用車品牌,包括豐田、凌志、日野及Daihatsu嘅合計銷量,截至今年11月,已經賣咗9,407部,比去年同期飆升咗3,318部,實力毋庸置疑。