Revo AXiS數碼收音機直駁過萬網上電台
數碼聲音廣播將會係未來發展嘅大趨勢，今次Revo AXiS機身唔似早前推出嘅HERITAGE咁玩復古，改用Stylish兼纖巧設計，玩埋Touch Screen選單，既聽到數碼電台廣播之餘，仲可變身成iPhone喇叭，加埋限量白色版，最後衝刺當聖誕禮物送畀朋友都得！
特設3.5吋輕觸式屏幕
AXiS用上金屬質感甚重的啞黑與碳灰機面，而限量特別版就換上白色機身，配合目前同級產品最細嘅機身，既出得廳堂，亦夠位擺在床頭。AXiS還設有3.5吋彩色輕觸式屏幕，可以直接在畫面上揀選唔同嘅數碼頻道，或者切換至iPod播放模式，只剩低機面電源開關掣跟大大個圓形音量旋扭，設計簡潔有型。
支援多種數碼聲音廣播
此機支援多種數碼聲音廣播標準，對應DAB及DAB+數碼電台以及一般網上電台頻道，所以就算13條數碼電台頻道目前仍未啟播，都可接收到23個本地或全球13,000多個網上電台頻道，使用上相當方便。同時，AXiS亦能切換至傳統嘅FM頻道，但如想接收得更好，就要拉高機背條天線至得。
iPhone播歌包圍感強
內置咗Wi-Fi無線網絡嘅AXiS，已可支援無線串流播放電腦內嘅音樂檔，而且只要將iPhone或iPod插在機頂的插座後，AXiS便會自動轉換到iPod喇叭模式，不過就未能顯示到中文或日文嘅歌曲資訊。由於用上NXT專利嘅Balanced Radiator Loudspeaker技術，音效擴散方向跟範圍都較一般iPod喇叭闊，亦能利用牆壁反射營造出更強嘅包圍感。
查詢：2395 3913
$2,380
採用專利喇叭技術，還可透過機背將聲音擴散出去，加強包圍感。
由於內置FM收音功能，故AXiS仍加有伸縮天線。
AXiS已內置3.5吋輕觸式屏幕，可直接選取各項功能。
提供了網上電台、數碼廣播、iPod、串流音樂、鬧鐘等多種功能。
目前已提供23個本地網上電台，將來亦可透過更新加入更多頻道。
實測時連上日本網上電台Aiko，只需三數秒便已完成，非常快捷。