得閒圍脖

師傅仔：

去親會展，都要飲杯Cafe的Matcha Latte，簡直係一試愛上。雖名為「拿鐵」，但查實唔係咖啡，而係由綠茶粉、鮮奶炮製。選用靚綠茶粉，味道香濃，同牛奶的甜香平衡得好，飲落滑溜溜，見到精美的Latte Art更加開心……唔講咁多啦，Cheers！

Dick：

先打越南主意，再向哈薩克埋手，為了減少對中國稀土的依賴，日本近期頻頻打外交牌；有人擔心會影響了中國在對日關係上的籌碼，我卻拍掌叫好！其實開發稀土與發掘石油一樣，都會對環境造成莫大破壞，難道你認為中國的環保狀況未夠糟嗎？況且開採稀土的得益，又有多少真正落入百姓口袋？再者你我他的日常生活中，有誰不是日本電子產品的用家，稀土供應短缺，日本廠家大條道理坐地起價，成本問題最終由用家負擔。但願越南和哈薩克有長遠目光，不要為了急賺日圓而罔顧環境生態，害苦70億的地球村村民吧！

S.man：

原來時間可以沖淡一切，更可以令人忘記自己。已經記不起有多久沒唱K，K房曾經是我流連忘返之地，試過一星期玩足4晚，甚至癲到Lunch、Tea Time、Dinner，一日之內唱齊3場，唱到打烊離場更是等閒事。可惜，人大了，要忙的事真不少；沒時間，就連最愛娛樂也得放棄。昨晚重返主場，唱足4粒半鐘，劉小慧、蘇慧倫、Juno、劉浩龍、李蘢怡、陳文媛、Shine、吳克群、Hotcha、五月天……至愛返晒嚟！頃刻間像時光倒流，哎吔……唔記得咗唱「余力機構」同「新香蕉俱樂部」呀！唉！