阿雪聖誕最愛食心太軟
聖誕節大家可能已經約齊朋友出去玩,不過阿雪話自己平日開工,好少同家人開開心心咁傾吓偈食吓飯,所以每年都會好乖咁同爸爸媽媽一齊食聖誕大餐,享受天倫樂。同好多女仔一樣,阿雪都好鍾意食甜品,所以無論正餐食到幾飽都好,都要食多件甜品先完美!講到聖誕大餐,甜品當然唔少不得!當中朱古力味嘅心太軟係阿雪至愛,佢話一次過可以品嘗朱古力蛋糕同糖漿兩種截然不同口感,實在令人好滿足,加埋朱古力火鍋,就最Perfect喇!
唔好睇阿雪成個大細路咁,原來佢都有細心嘅一面。阿雪話佢最鍾意自製聖誕禮物送畀朋友,無論係賀卡、公仔,定係小首飾都有整過,佢話咁樣先至係Tailor Made同夠心意。至於今年就好想自製薑餅屋,喺家中搞聖誕Party時,同朋友一邊玩遊戲一邊慢慢食,享受快樂時光!
阿雪心目中最正嘅甜品就係心太軟。
每年聖誕大餐都會同父母一齊食,低脂嘅火雞係必然首選。