紀曉華 聖誕想去京都避靜
每年最靚燈飾、最好氣氛，都在聖誕節，人人想去北海道、北歐過聖誕，偏偏吃勻全球美食的紀曉華（Walter），聖誕最想去的地方，竟然是日本京都，貪佢夠清靜？
「我都幾十歲人，乜都睇過，聖誕反而不想出埠，若要去就會揀京都，一來夠近，二來風景靚，冬天的京都是最不繁忙，行街都舒服啲，而且我很掛住當地的豆腐、烏冬和懷石料理。」
至於今年最想收到的聖誕禮物，Walter話係Paco Jet雪糕機，因轉速夠高，打出來的雪糕夠Creamy，入口會很滑，所以一般3星餐廳、高級食肆都用佢，係Walter嘅朋友，要識做了。「若聖誕老人要換裝，我會想佢換上全白衣飾，白色Trendy啲……不過佢都係要減肥先，有個靚仔做聖誕老人，就更Sharp啦！」
Walter建議聖誕老人改穿全白衣飾，你估有沒有白鯨咁可愛呢？
京都豆腐令Walter過聖誕都想食。