爐端燒放題大「槳」爭住搶

on.cc 東方互動主頁

假期少，每分每秒都好矜貴，連開餐也不想求求其其。難得像busy suzie這類高級爐端燒店也大搞周末周日放題，3個鐘任食40幾款菜式，仲送醃鮑魚及刺身壽司拼盤，每位只收$350，抵過平日一大截之餘，更可欣賞師傅即席烹調、再以木槳傳遞美食的功架，連同新推出Happy Hour任飲優惠，喺露天位坐低再慢慢歎。飲飽食醉，這天算沒白過吧！

餐廳位於尖沙咀1881 Heritage內，由城中名人楊其龍開設。這裏前身是燈塔，內裏布局獨特如一個環狀，設計就交由法國名師操刀：以木、竹及麻布等天然物料，配襯現代藝術品，環境既時尚亦傳統。

食材優質新鮮

餐廳一直走高格調路線，但每逢星期六、日都有「周末自助早午餐」，收費親民，為成人食客送上美味驚喜，先是每位一份的醃鮑魚，以及壽司刺身拼盤，再來是四十多款食物任點任食，包括頭盤、爐端燒、天婦羅、烏冬炒飯，兼無限量供應甜品，為盛宴作結。食材新鮮優質，多從日本運來，絕沒有將貨就價。

既是爐端燒專門店，任食的爐端燒項目就橫跨3個界別：肉類、海鮮及蔬菜，款式跟平日柯打的差不多，同樣有極受歡迎的廣島蠔、銀鱈魚、黑毛豬豬柳、澳洲和牛牛柳等，大啖食也不用怕肉赤。但記得要揀吧枱坐，只因餐廳引入日本的正宗爐端燒，大廚們會跪在燒爐後炮製美食，燒好食物再放在長長的木槳上，遞給坐在爐前的食客，就像邊食邊看表演，很有風味。